Pada contoh cerita pangalaman pikaseurieun atau pengalaman pribadi yang lucu dengan menggunakan bahasa sunda kali ini, akan menceritakan sebuah pengalaman pribadi sebut saja namanya si andi yang memancing ikan di sungai bersama seorang temannya, nah seperti apa pengalamannya? Berikut pengalamannya.
Nami abdi andi, abdi bade nyaritakeun pangalaman pribadi anu pikaseurieun pikeun abdi yeuh, nah kieu ceunah caritana teh.Basa keur poe minggu kamari abdi sareng rerencangan, nu namina si usep caritana teh arek nguseup di walungan nu teu jauh ti imah abdi.
Sateuacan mangkat, abdi teu hilap nyiap-nyiapkeun heula peralatan nguseup lauk samisal umpan, senar, useup, jeung sajabana. Saentos siap abdi mulai angkat sakitar jam 2 beurang.
Nah sanepina diwalungan, abdi tos teu sabar hayang geura-giru ngalungkeun pancingan ka cai, da ninggali kosna teh loba laukan didinya. Abdi sareng usep, mani paheula-heula masangkeun umpana, kusabab teu sabar hayang meunang lauk.
Asik! Ahirna abdi nu ti heula nu paling cepet masangkeun umpan jeung usep! Teu ngadagoan lila langsung wae abdi alungkeun tah pancingan “Plung…” Weh, tah kukumbul langsung nangtung di cai.
Teu kungsi lila, encan oge sapuluh detik mah eta kukumbul abdi langsung “lep” weh ngaleungit siga kos ditarik lauk anu badag kacidaan euy!
Hap… Eta jejer langsung ku abdi tarik, aduh sihoreng teh padahal mah palastik anu nyangkut teh, aduh abdi isin pisan di sengseurikeun beak-beakan ku si usep.
Boro mah ges paheula-heula ngalungkeun kukumbul, eh malahan nyangkut anu abdi mah euy, mana lila deuih ngalepaskeun useup tina palastikna teh.
Teu lila si usep oge langsung ngalungkeun umpanna ka cai, aih sedap geuning enyaan ari manehna mah kalah menang lauk jaer anu badag kacidaan.
Tah dikajadian eta abdi diledekan wae ku manehna, kie ceunah saurna teh “ari maneh mah palastik di usepan, lauk atuh anu di usepan mah..!” Tah kitu cenah. Aduh, abdi isin pisan diledekan wae ti dinya. Hahaa..
Nah, sakitu wae pangalaman pikaseurieun pikeun abdi, haturnuhun atos ngadengekeun carita pangalaman ti abdi anu singket ieu. Permios.
Baca Juga: [NOSTALGIA] Pangalaman Pikaseurieun Baheula,12 Kabiasaan Maen Bola!