Paguneman bahasa sunda ini saya ambil dari sebuah artikel bahan pembelajaran sekolah untuk tingkat sma atau sekolah menengah atas. Nah, penasaran dengan contoh paguneman bahasa sunda ke-4 orang ini? Baiklah, langsung saja disimak contoh paguneman basa sunda dibawah ini.

(Judul Paguneman : Ngerjakeun Tugas Bareng)

Paguneman 4 Urang Ngerjakeun Tugas Sakola Babarengan

(Asep, Firman, jeung Zakaria keur nuju ngarobrol dipayuneun kelas, wanci istirahat. Teu lila teras aya Detian nu nyampeurkeun..)

Tokoh:
1. Detian
2. Zakaria
3. Firman
4. Asep

Detian : “Hey, nuju naraon yeuh??”

Zakaria : “Biasa, De! Nuju ngobrol weh, hareudang di kelas mah!”

Firman : “Didinya tos timana?”

Detian : “Biasa..”

Asep : “Ti warung?”

Detian : “Sanes, ti WC! Hehe..!”

Firman : “Oh, setor?”

Zakaria : “Tos ah! Ayeuna mah urang ngobrol deui weh!”

Asep : “Ngobrol naon deui atuh, apanan tatadi teh tos ngobrol”

Firman : “Eh, ari enjing aya PR teu?”

Detian : “Enjing teh dinten naon?”

Firman : “Salasa.”

Detian : “Berarti pelajaran Biologi, Basa Inggris, Kewirausahaan, Olahraga jeung Pendidikan Agama Islam, nya?”

Asep : “Teu aya PR asa-na mah da?!”

Firman : “Oh, enya! Teu aya PR nya?”

Zakaria : “Aya PR mah!”

Detian : “PR naon?”

Zakaria : “Tugas ti Pa Cucu anu saurna kedah ngadamel Company Profile tea gening!”

Detian : “Oh, enya! Tos Bareres can?”

Asep : “Abdi mah acan, da teu ngartos! Maksad na kumaha eta tugas teh?”

Detian : “Janten urang teh ngadamel profil perusahaan, perusahaan-na mah bebas.”

Asep : “Eusi na teh naon wae?”

Detian : “Duka tah abdi ge.”

Firman : “Isina teh data diri perusahaanna weh, sapertos nami, logo, visi sarta misi, jeung sajabana.”

Detian : “Oh, kitu!”

Zakaria : “Da lamun teu lepat mah da minggu ayeuna mah dipiwarang ngadamel introna hungkul, sanes?”

Firman : “Muhun!”

Detian : “Entos beres can?”

Firman : “Nembe ngerjakeun kanggo intro logona hungkul abdi mah. Ari anu sanes tos beres?”

Zakaria : “Ah, sami weh abdi ge.”

Detian : “Abdi ge nembe sakeudik da, atuh kirang teu ngartos kanu software After Effect teh!”

Asep : “Abdi kumaha nya? Teu ngartos pisan da abdi mah!?

Detian : “Urang ngerjakeun sasarengan weh, yu?”

Zakaria : “Hayu! Supados bari diskusi sareng tiasa tataros jeung nga bantuan nu sanes. Ngabantuan abdi deuih, da abdi ge teu ngartos. Hehe”

Firman : “Ah, Zakaria mah! Enya sareng weh ngarah tiasa silih bantuan! Bade dimana ngerjakeunna atuh?”

Detian : “Di bumi Zakaria weh kumaha? Tiasa teu, Zak?”

Zakaria : “Kumaha nya? Bade dinten naon ngerjakeun na?”

Detian : “Pan pelajarana teh dinten Juma’ah, urang ngerjakeun na dinten Rebo atanapi Kemis, kumaha?”

Zakaria : “Hayu tiasa! Tapi dinten Rebo weh nya?”

Asep : “Hayu lah! Detian sareng Firman bade ngiring moal?”

Detian : “Nya ngiring atuh! Maenya anu masihan usul na teu ngiring”

Firman : “Pan sakantenan ameng ka bumi Zakaria, nya Zak?”

Zakaria : “Enya pisan! Bade disuguhan naon engke di bumi teh?”

Detian : “Eta weh sadayana anu dina kulkas na engke kaluarkeun nya, Zak.. Haha!”

Asep : “Enya tah! Haha..!”

Firman : “Haha! Eh, ngomong-ngomong ayeuna lapar teu ieu teh?”

Detian : “Nya muhun atuh! Teu acan jajan yeuh!”

Zakaria : “Hayu atuh urang ka kantin! Bilih ka buru lebet kelas deuih!”