PAGUNEMAN 2 ORANG “LATIHAN KABARET”

LATIHAN KABARET :

Popi : Yun, bade angkat ka mana sih, mani rusuh kitu?
Yuni : Eh, bade ka sakola, Pop. Bade latihan kabaret. Puguh siang teuing Yuni teh. Kedah mah tabuh 9.00 tos kem- pel di sakola. Mangkaning nu kasiangan sok dipiwarang push up heula

Popi : Wah? Sae atuh olah raga heula mah, Yuni ke janten langkung…..
Yuni : Langkung hah-heh-hoh! Cape, jaba sok isin ku reren-cangan.

Popi : Kabaret kanggo acara perpisahan kelas tilu tea, Yun?
Yuni : Muhun. Kan perpisahanana kantun saminggu deui, nya. Tah latihanana digederkeun ayeuna. Saur Bu Yani nu ngalatihna, pokona kedah sae we pami engke pentas teh.

Popi : Naon judulna kabaret teh? Rame teu?

Yuni : Wah, rame pisan, Pop! Pokona kabaret gaul weh ieu mah. Judulna “Kisah Cinta Puteri Cioh dan Pangeran Omeng”

Popi : Ha ha ha…! Judulna asa kampungan, ih. Naha henteu Puteri Cinderella?

Yuni : Wah, bosen atuh Cinderella deui Cinderella deui mah! Bari kabaret mah kan kedah komedi, kedah anu pikaseu-rieun. Tapi lagu-laguna wah siip teh, Pop! Lagu-lagu anu nuju nge-trend ayeuna.
Popi : Lagu naon wae sih?

Yuni : Aya lagu Ada apa Denganmu, Jujur, sareng Semua Tentang Kita. Tah, lagu Peterpan mah dianggo dina adegan ahir, Pop. Jadi suasanana teh sedih. Wah. Dija-min weh kelas tilu mah pasti narangis, da laguna ngang-go puisi.

Popi : Ari Yuni kabagean janten naon?
Yuni : Janten peran utama atuh. Janten Puteri Cioh! Anu janten Pangeran Omengna Si Ryan.
Popi : Si Ryan 1B nu ganteng tea, Yun?
Yuni : Muhun! Si Ryan “Brugman” tea ceuk barudak mah.

Popi : Ih, ngiri, ih. Hoyong ngiring maen sareng Ryan!
Yuni : Tuh nya, Popi mah hoyong ngiring kabaret teh lantaran aya Ryan. Kacian deh lho! Matakna ceuk Yuni ge kedah aktif ari hoyong disebut gaul mah. Huh, dasar anak ma-mah Popi mah!